TAMBAY

Madaming tambay sa kanto. Ang iba diyan titulado ngunit nahihirapan pa rin maghanap ng trabaho. Ang iba naman talagang tamad maghanap ng mapapasukan, kuntento magbilang ng poste, tong-its sa kanto at magpalipas ng oras sa inuman.

Minsan na akong naging tambay sa Pilipinas. Umaasa lamang sa magulang, umaasa sa perang iaabot nila. Dahil sa hirap maghanap ng trabaho sa atin napilitan akong lumuwas. Tumulak sa gitnang silangan na ang baon ay lakas ng loob at pananalig sa Diyos.

Mukhang pera ba ang dapat na itawag sa akin? Ako'y nangangarap ng magandang kinabukasan, pinagsisikapan abutin sa malinis na pamamaraan. Wala kaming inaapakan na tao sa desisyon naming maging OFW, pero bakit ang iba tawag s amin mukhang pera?

Aakuin ko ang maging mukhang pera kung ibig sabihin nito kami ang lakas ng ekonomiya ng bansa, kung ibig sabihin nito isa ako sa tumutulong para umunlad ang Pilipinas. Aakuin ko ang matawag na mukhang pera kung nangangahulugan ng magandang bukas para sa buong angkan namin.

Alin ang mas mahalaga? Nasa sariling bayan na pasanin ng pamilya o nasa ibang bansa nagbibigay suporta sa knila?